ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានជំរុញឱ្យក្រសួងអប់រំបន្តអភិវឌ្ឍការអប់រំឌីជីថលសម្រាប់បណ្តុះបណ្តាលធនធានមនុស្ស នៅក្នុងបដិការបដិវត្តកម្មសង្គម និងសេដ្ឋកិច្ចឌីជីថល ដោយត្រូវធ្វើសមាហរកម្មបច្ចេកវិទ្យាឌីជីថលនៅក្នុងកម្មវិធីសិក្សាគ្រប់កម្រិត។

សម្តេចតេជោបានផ្តល់អនុសាសន៍ណែនាំបែបនេះនៅក្នុងកម្មវិធីបិទសន្និបាតក្រសួងអប់រំ យុវជន និងកីឡា នៅវិទ្យាស្ថានបច្ចេកវិទ្យាកម្ពុជា នារសៀលថ្ងៃទី១២ ខែមេសា ឆ្នាំ២០២៣។

សម្តេចតេជោ បានណែនាំឱ្យសាលារៀនត្រូវមានបន្ទប់ពិសោធន៍ឌីជីថល តភ្ជាប់បណ្តាញអគ្គិសនី និងអ៊ីនធឺណិតនៅតាមគ្រឹះស្ថានសិក្សា។

នាយករដ្ឋមន្ត្រីក៏បានណែនាំឱ្យក្រសួងអប់រំ បន្តអនុវត្តកម្មវិធីអប់រំឱ្យកាន់តែរឹងមាំ និងមានភាពរេសកម្មទំនើប ដើម្បីឆ្លើយតបនឹងបដិការជាតិ និងអន្តរជាតិ។

ជាមួយគ្នានេះ សម្តេចតេជោ ហ៊ុន សែន ក៏បានជំរុញលើកទឹកចិត្តឱ្យបន្តកម្មវិធីយុវជនស្ម័គ្រចិត្តចុះជួយដល់មូលដ្ឋាននៅតាមសហគមន៍ ព្រមទាំងបណ្តុះបណ្តាលជំនាញបច្ចេកទេស និងជំនាញទន់ សំដៅឆ្លើយតបបានទៅហ្នឹងឱកាសការងារ និងភាពរឹងមាំនៃកោសិកាសង្គម៕